کابل — د افغانستان د عامې روغتیا وزارت ویلي چې په کابل ښار کې یې د درملو ۷۵ وارداتي شرکتونه څارلي او ارزولي دي.
وزارت وایي له دې ډلې ۶۷ شرکتونه د معیاري چکلېستونو له مخې وکتل شول.
د روغتیايي قوانینو د سرغړونې له امله درې شرکتونه وتړل شول، یوه شرکت ته رسمي اخطار ورکړل شو او د یوه بل شرکت ځینې درمل او روغتیايي محصولات د قانوني اسنادو تر وړاندې کولو پورې قرنطین شول.
وزارت ویلي دا څارنه د درملو د وارداتو، کیفیت او روغتیايي مقرراتو د پلي کېدو د کنټرول برخه وه.
په رسمي بیان کې د تړل شوو شرکتونو نومونه نه دي اعلان شوي.