علیمہ خان لاہور میں گرفتار، 30 روز کے لیے جیل بھیجنے کا نوٹیفکیشن

پاکستان تحریک انصاف کے مطابق سابق وزیراعظم عمران خان کی بہن علیمہ خان کو اتوار کو لاہور میں ان کی رہائش گاہ سے گرفتار کر لیا گیا ہے۔ لاہور کی ضلعی انتظامیہ کی جانب سے جاری نوٹیفکیشن میں کہا گیا ہے کہ انہیں 30 روز کے لیے جیل بھیجا گیا ہے۔ انتظامیہ نے مؤقف اختیار کیا کہ عوامی مقامات پر ان کی موجودگی امنِ عامہ اور عوامی تحفظ کے لیے خطرہ بن سکتی ہے۔ یہ کارروائی ایسے وقت میں سامنے آئی ہے جب تحریک انصاف نے 27 ستمبر کو اسلام آباد کی جانب احتجاجی مارچ کا اعلان کر رکھا ہے، جس کا بنیادی مطالبہ عمران خان کی رہائی بتایا گیا ہے۔ وفاقی وزیر داخلہ محسن نقوی نے ایک روز قبل کہا تھا کہ حکومت مارچ کو روکنے کے لیے اقدامات کرے گی۔ تحریک انصاف کے رہنماؤں نے علیمہ خان کی گرفتاری پر سخت تنقید کی ہے اور اسے آئندہ احتجاج سے جوڑا ہے۔