ایرانی صدر مسعود پزشکیان نے افغانستان کے ساتھ اقتصادی اور تجارتی تعاون کو مزید وسعت دینے پر زور دیا ہے۔
ایرانی صدر نے متعلقہ حکام کو افغانستان کے ساتھ اقتصادی روابط بڑھانے اور موجود مواقع سے فائدہ اٹھانے کے لیے اقدامات کی ہدایت کی ہے۔
افغانستان اور ایران کے درمیان تجارت کے علاوہ ٹرانزٹ، توانائی، زراعت اور سرحدی کاروبار کے شعبوں میں بھی وسیع اقتصادی روابط موجود ہیں۔
دونوں ممالک کے کاروباری حلقے حالیہ عرصے میں تجارتی رکاوٹیں کم کرنے، سرحدی سہولیات بہتر بنانے اور نجی شعبے کے درمیان براہِ راست روابط بڑھانے پر زور دیتے رہے ہیں۔
ایران کی جانب سے اقتصادی تعاون بڑھانے کا تازہ عندیہ افغانستان کی علاقائی تجارت کو مزید متنوع بنانے کی کوششوں کے لیے اہم پیش رفت بن سکتا ہے۔