افغانستان کے مشرقی صوبے ننگرہار میں اس سال زیتون کی اچھی فصل سے تقریباً 1 لاکھ 65 ہزار لیٹر زیتون کا تیل اور 16 ٹن زیتون کا اچار تیار ہونے کی توقع ہے۔
امارت اسلامیہ کی سرکاری کمپنیوں کے جنرل ڈائریکٹوریٹ کے ایک بیان کے مطابق یہ پیداوار ننگرہار کی سرکاری زرعی کمپنی کے چار فارموں سے حاصل ہو گی۔ ادارے نے پیداوار میں اضافے کا سہرا باغات کے بہتر انتظام، پودوں کی صحت مند دیکھ بھال اور بروقت زرعی سرگرمیوں کو دیا ہے۔
بیان میں کہا گیا ہے کہ ان اقدامات سے زیتون کی پروسیسنگ کا عمل وسیع ہوا ہے اور پیداوار کی سطح مزید بڑھے گی۔ ادارے کے مطابق یہ مصنوعات ملکی ضروریات پوری کرنے، مقامی پیداوار کے فروغ اور ملک کی معاشی ترقی میں اہم کردار ادا کریں گی۔