رائټرز د یوه پاکستانی چارواکي له قوله راپور ورکړی چې پاکستان په سعودي عرب کې شاوخوا 30 زره تر 40 زره سرتېري ځای پر ځای کړي دي، څو د سعودي د ځمکنيو سرحدونو په دفاع او د ډرون او توغندیزو بریدونو په مخنیوي کې مرسته وکړي.
د راپور له مخې دغه سرتېري په بېلابېلو پړاوونو کې سعودي عرب ته رسېدلي دي. چارواکي ویلي چې ځینې ځواکونه له تېر کال راهیسې هلته ځای پر ځای شوي او د وروستۍ سیمهییزې ترینګلتیا وروسته نور ځواکونه هم ورغلي دي.
همدغه پاکستانی چارواکي ویلي چې اسلاماباد تر اوسه د یمن دننه د پاکستانی ځواکونو د مستقیم جنګي رول لپاره پرېکړه نه ده کړې. رائټرز دا هم ویلي چې د پاکستان دفاع وزارت د دې پوځي ملاتړ په اړه پوښتنو ته سمدستي ځواب نه و ورکړی.
دا پرمختګ په داسې وخت کې دی چې سعودي عرب د حوثي ډرون او توغندیزو بریدونو پر وړاندې د خپلو سرحدونو او مهمو زیربناوو د خوندي کولو لپاره د متحدینو مرسته غواړي.