بلوچستان — مارگلہ نیوز: پاکستانی فوج کے شعبہ تعلقات عامہ (ISPR) نے دعویٰ کیا ہے کہ 21 ستمبر سے بلوچستان میں مختلف انسدادِ دہشت گردی کارروائیوں کے دوران مجموعی طور پر 33 عسکریت پسند مارے گئے ہیں۔
ISPR کے مطابق 24 ستمبر کو آپریشن شعبان کے دوران مزید پانچ افراد مارے گئے، جس سے اس آپریشن میں مارے جانے والوں کی تعداد 22 ہوگئی۔
فوجی بیان کے مطابق 25 ستمبر کو نوشکی ضلع میں ایک انٹیلی جنس بیسڈ آپریشن کے دوران مزید 11 عسکریت پسند مارے گئے۔
ISPR نے ان افراد کو ریاست کی جانب سے استعمال کی جانے والی اصطلاحات کے تحت بیرونی حمایت یافتہ گروہوں سے منسلک قرار دیا۔
33 ہلاکتوں کا یہ مجموعی عدد پاکستانی فوج کا سرکاری دعویٰ ہے۔