پشاور — مارگلہ نیوز: خیبر پختونخوا کے دارالحکومت پشاور میں ایک سکیورٹی الرٹ کے بعد سول سیکرٹریٹ اور دیگر سرکاری دفاتر سے عملہ نکال لیا گیا اور علاقے میں سکیورٹی بڑھا دی گئی۔
ایکسپریس ٹریبیون کے مطابق الرٹ میں ممکنہ ڈرون یا خودکش حملے کا خدشہ ظاہر کیا گیا تھا، خصوصاً سرکاری عمارتوں اور جمعہ کی نماز کے اجتماعات کے حوالے سے۔
احتیاطی اقدام کے طور پر سول سیکرٹریٹ کے ساتھ فاٹا سیکرٹریٹ اور ورسک روڈ کے قریب واقع بعض دفاتر کو بھی خالی کرایا گیا اور قانون نافذ کرنے والے اداروں نے علاقے میں اضافی نفری تعینات کی۔
بعد میں ڈان نے رپورٹ کیا کہ حکام نے اس سکیورٹی الرٹ کو "جعلی" قرار دیا تھا۔
واقعے میں کسی حملے یا جانی نقصان کی اطلاع نہیں ملی۔