افغانستان کی قومی فضائی کمپنی آریانا افغان ایئرلائنز نے کابل-اسلام آباد-کابل روٹ پر ٹکٹ کی قیمت 20 ڈالر کم کر دی ہے۔ ایئرلائن کے منگل کو جاری اعلان کے مطابق اس روٹ کا کرایہ اب 190 ڈالر کے بجائے 170 ڈالر ہو گا۔
ایئرلائن نے اس روٹ پر سفر کرنے والے طلبہ کے لیے 150 ڈالر کا خصوصی کرایہ بھی مقرر کیا ہے، جو عام کرائے سے مزید 20 ڈالر کم ہے۔
آریانا کا کہنا ہے کہ اس اقدام کا مقصد سفر کے اخراجات کم کرنا اور مسافروں، خاص طور پر طلبہ کے لیے فضائی سفر کو سستا اور قابل رسائی بنانا ہے۔