ڈھاکہ: ایکسپریس ٹریبیون کے مطابق بنگلہ دیش کی فائر سروس نے تصدیق کی ہے کہ کاکس بازار کے انانی ساحل پر لکڑی سے بنے ایک ریزورٹ اور ریسٹورنٹ میں ہفتے کی صبح آگ لگنے سے کم از کم 10 افراد ہلاک ہو گئے۔
بنگلہ دیشی چینل جمنا ٹی وی کے حوالے سے بتایا گیا کہ آگ صبح سویرے اس وقت لگی جب لوگ سو رہے تھے، اور کم از کم 9 افراد زخمی ہوئے جن کی شناخت ابھی نہیں ہو سکی۔ یہ علاقہ مقبول سیاحتی مقام ہے، اس لیے متاثرین کے سیاح ہونے کا امکان ظاہر کیا گیا ہے۔
فائر سروس کے مطابق فائر بریگیڈ کے دو یونٹس نے مقامی انتظامیہ اور پولیس کے ساتھ مل کر آگ پر مکمل قابو پا لیا۔ بارڈر گارڈ کے اہلکار بھی امدادی کارروائیوں میں شریک ہوئے۔
رپورٹ کے مطابق آگ ممکنہ طور پر ریزورٹ کے کچن کے چولہے یا بجلی کے شارٹ سرکٹ سے لگی، تاہم اصل وجہ کی تصدیق نہیں ہوئی۔ ضلعی انتظامیہ نے واقعے کی تحقیقات کے لیے کمیٹی تشکیل دے دی ہے۔
مزید تفصیل ایکسپریس ٹریبیون پر۔