ایران کی پاسدارانِ انقلاب (آئی آر جی سی) نے جمعرات کو دعویٰ کیا ہے کہ اس نے آبنائے ہرمز کے اوپر پرواز کرنے والے ایک امریکی ایم کیو ون ڈرون کا سراغ لگا کر اسے مار گرایا ہے۔
ذرائع کے مطابق ایرانی ذرائع ابلاغ نے بتایا ہے کہ ڈرون کو ایران کی فضائی دفاعی فورسز کے زیرِ استعمال ایک نئے اور جدید فضائی دفاعی نظام سے نشانہ بنایا گیا۔ پاسدارانِ انقلاب نے واقعے کی مزید تفصیل جاری نہیں کی، نہ یہ بتایا گیا ہے کہ ڈرون کا ملبہ کہاں گرا۔
امریکی سینٹرل کمانڈ کی جانب سے اب تک کوئی ردعمل سامنے نہیں آیا، اور ڈرون گرائے جانے کے ایرانی دعوے کی آزادانہ تصدیق نہیں ہو سکی۔
آبنائے ہرمز دنیا میں تیل کی ترسیل کا اہم ترین سمندری راستہ ہے اور فروری میں شروع ہونے والی امریکہ ایران جنگ کے بعد سے یہ علاقہ مسلسل کشیدگی کا مرکز بنا ہوا ہے۔ اپریل کی جنگ بندی کے باوجود امریکہ نے ایران کی تیل آمدنی روکنے کے لیے بحری ناکہ بندی کر رکھی ہے، اس لیے یہاں کسی بھی فوجی واقعے پر دنیا بھر کی نظریں لگی رہتی ہیں۔