خیبر پختونخوا کے ضلع شانگلہ کی تحصیل چکیسر کے علاقے منگا میں موٹر سائیکل میں نصب دھماکہ خیز مواد پھٹنے سے پولیس اہلکار قیموس خان جاں بحق ہو گئے۔
ذرائع کے مطابق بارودی مواد موٹر سائیکل پر نصب کیا گیا تھا جو اچانک پھٹ گیا اور اہلکار موقع پر ہی جان کی بازی ہار گئے۔ دھماکے کی ذمہ داری فوری طور پر کسی گروہ نے قبول نہیں کی۔
پولیس کی جانب سے واقعے کی تفصیلات اور تفتیش کے بارے میں باضابطہ بیان ابھی جاری نہیں ہوا۔