خیبر پختونخوا کے ضلع ٹانک کی تحصیل گومل میں سنائپر کی فائرنگ سے فرنٹیئر کور (ایف سی) کے اہلکار فضل خالق جاں بحق ہو گئے۔ ذرائع کے مطابق حملہ کالعدم تحریک طالبان پاکستان کے جنگجوؤں نے کیا۔
ذرائع کے مطابق فضل خالق گومل میں ایک زیر تعمیر سیکیورٹی چوکی پر ڈیوٹی انجام دے رہے تھے کہ انہیں نشانہ بنایا گیا۔ وہ شدید زخمی ہوئے اور بعد میں زخموں کی تاب نہ لاتے ہوئے دم توڑ گئے۔
دستیاب معلومات کے مطابق فضل خالق اسماعیل کے بیٹے اور ضلع صوابی کے گاؤں پرمولی، محلہ باغ کے رہائشی تھے۔ واقعے پر سیکیورٹی اداروں کا باضابطہ مؤقف ابھی سامنے نہیں آیا۔