افغان وزارت معادن و پٹرولیم نے Fine Star Group اور Azra Green Stone کے ساتھ سیسہ اور زنک کی معیاری پراسیسنگ فیکٹری افغانستان منتقل اور نصب کرنے کے لیے مفاہمتی یادداشت پر دستخط کیے ہیں۔ وزارت کے مطابق مقصد معدنیات کی مقامی پراسیسنگ اور اس شعبے میں سرمایہ کاری کو فروغ دینا ہے۔
وزیر معادن ہدایت اللہ بدری نے تقریب میں کہا کہ حکومت معدنی استخراج، پراسیسنگ اور متعلقہ صنعتی پلانٹس کے قیام میں نجی سرمایہ کاروں کو سہولت دینے کے لیے تیار ہے۔ کمپنیوں نے مفاہمتی یادداشت کی شرائط پر عمل کرنے کا عزم ظاہر کیا۔