عالمی ادارۂ صحت (ڈبلیو ایچ او) نے اعلان کیا ہے کہ وہ یورپی یونین کی مالی معاونت سے افغانستان کے وسطی صوبے بامیان میں قائم مالیکیولر ڈائیگناسٹک لیبارٹری کی مدد کر رہا ہے، تاکہ لوگوں کو ضروری تشخیصی خدمات تک بہتر رسائی مل سکے۔
ڈبلیو ایچ او نے منگل کو سوشل میڈیا پر اپنے بیان میں بتایا کہ یہ لیبارٹری اب تک ہیپاٹائٹس بی، ہیپاٹائٹس سی، کووڈ-19 اور مائیکرو بیالوجیکل معائنوں کے 1,215 ٹیسٹ کر چکی ہے۔ ادارے کے مطابق تشخیصی سہولیات مضبوط ہونے سے متعدی بیماریوں کی بروقت نشاندہی ممکن ہو گی اور مریضوں کا علاج جلد شروع ہو سکے گا۔
افغانستان میں بہت سے لوگوں کو معیاری طبی سہولیات، خاص طور پر خصوصی تشخیصی خدمات، تک محدود رسائی حاصل ہے۔ ذرائع کے مطابق مریضوں کو ایسے ٹیسٹوں کے لیے بھاری اخراجات برداشت کرنے اور دوسرے شہروں کے طبی مراکز تک طویل سفر کرنا پڑتا ہے۔