ایکسپریس ٹریبیون کے مطابق دفتر خارجہ نے جمعرات کو اعلان کیا کہ صدر آصف علی زرداری 22 سے 24 اکتوبر تک جرمنی کے دورے پر ہوں گے۔ اس دورے میں دوطرفہ تعلقات کے ساتھ ساتھ تجارت اور اقتصادی تعاون کو خاص اہمیت دی جائے گی۔
ملاقاتوں کا ایجنڈا
دفتر خارجہ کے ایکس پر جاری بیان کے مطابق صدر زرداری وفاقی جمہوریہ جرمنی کے صدر کے علاوہ اعلیٰ قیادت اور کاروباری رہنماؤں سے ملاقاتیں کریں گے، جن میں پاک جرمن تعلقات بالخصوص معاشی اور تجارتی تعاون زیر بحث آئے گا۔
سفارتی تعلقات کے 75 برس
دفتر خارجہ نے اس دورے کو دونوں ملکوں کے سفارتی تعلقات کی 75ویں سالگرہ کے تناظر میں "خصوصی اہمیت" کا حامل قرار دیا۔ پاکستان اور جرمنی نے 1951 میں سفارتی تعلقات قائم کیے تھے۔ ایکسپریس ٹریبیون کے مطابق جرمنی یورپی یونین میں پاکستان کا سب سے بڑا تجارتی شراکت دار ہے۔
کن شعبوں میں امکانات؟
اخبار کے مطابق رواں ماہ جرمن سفیر نے تجارت میں تنوع، سرمایہ کاری اور کاروباری روابط بڑھانے پر زور دیا تھا اور کہا تھا کہ جرمن کمپنیاں اپنی سپلائی چینز متنوع بنانے کے لیے نئے شراکت دار تلاش کر رہی ہیں۔ ٹیکسٹائل، انجینئرنگ، ادویہ سازی اور انفارمیشن ٹیکنالوجی کو قریبی تعاون کے ممکنہ شعبوں کے طور پر دیکھا جا رہا ہے۔