سپریم کورٹ آف پاکستان کے سینئر پیونی جج جسٹس منیب اختر نے بدھ کو قائم مقام چیف جسٹس آف پاکستان کے عہدے کا حلف اٹھا لیا۔ ان سے حلف جسٹس محمد علی مظہر نے اسلام آباد میں سپریم کورٹ میں منعقدہ ایک سادہ مگر پروقار تقریب میں لیا۔
جسٹس منیب اختر اس وقت تک چیف جسٹس کے فرائض انجام دیں گے جب تک چیف جسٹس یحییٰ آفریدی سرکاری دورے پر ملک سے باہر ہیں۔
تقریب میں سپریم کورٹ کے جج صاحبان، فیڈرل جوڈیشل اکیڈمی کے ڈائریکٹر جنرل، جوڈیشل کمیشن آف پاکستان اور سپریم جوڈیشل کونسل کے سیکریٹریز اور لا افسران شریک ہوئے، جبکہ رجسٹرار سپریم کورٹ نے کارروائی چلائی۔